Në panairin “Future2Tech” të vitit të kaluar, PC Store Sh.p.k. dhe SmartKids demonstruan suksesin e tyre falë panairit, duke i bërë thirrje të gjithë ekspozuesve të marrin pjesë në Future2Tech 2024 dhe të përfitojnë nga mundësitë e jashtëzakonshme që ky event ofron.

PC Store Sh.p.k. – Lider në Teknologji që nga 2005

PC Store Sh.p.k., një kompani që operon në tregun shqiptar që prej vitit 2005, është një lider në shitjen e kompjuterëve dhe pajisjeve teknologjike. Në intervistën e tij për Business Magazine, Amarildo Arapi, specialist i çështjeve juridike në PC Store, shpjegoi sesi kompania ka evoluar dhe ka ndikuar në tregun teknologjik shqiptar. PC Store ofron një gamë të gjerë produktesh që përfshijnë kompjutera për individë dhe biznese, serverë, monitorë, kompjutera lojërash, pajisje rrjeti, printera, pajisje dhe aksesorë të ndryshëm dhe shërbime të specializuara. Në Future2Tech, PC Store prezantoi katër nga brandet më të mëdha teknologjike: HP, Hysonic, Samsung, dhe Quest.

“Ne jemi fokusuar kryesisht në sektorin publik dhe pajisjet kompjuterike të avancuara me cilësi të lartë, duke ofruar produkte të përshtatshme për gaming, inxhinieri, dhe arkitekturë,” tha Arapi. “Vizioni ynë është që teknologjia të jetë një mënyrë jetese për njerëzit dhe t’ua lehtësojë jetën.” Panairi Future2Tech ka qenë një sukses i madh për PC Store, me interes të jashtëzakonshëm nga vizitorët dhe perspektiva të reja për bashkëpunime dhe zgjerim të mëtejshëm.

Lexo edhe:Pse duhet të merrni pjesë si ekspozues në Future2Tech 2024?

SmartKids – Edukim Teknologjik për Brezin e Ri

SmartKids është një program edukativ inovativ në Shqipëri, i krijuar për të pasuruar programet konvencionale edukative në kopshte, shkolla fillore dhe të mesme me teknologji dixhitale. Në një intervistë për Business Magazine, bashkëthemeluesi Geiv Tomço shpjegoi sesi SmartKids kombinon robotikën dhe programimin për të bërë mësimin më efektiv dhe tërheqës për fëmijët. “SmartKids është një metodologji edukimi që synon të fuqizojë fëmijët me aftësi teknologjike të avancuara,” tha Tomço. “Ka pasur shumë interes nga prindërit dhe fëmijët, dhe klientela jonë është katërfishuar që nga viti i kaluar, duke dëshmuar interesin e madh për teknologjinë.”

SmartKids ka treguar sesi teknologjia mund të ndihmojë fëmijët të rriten me edukatën që çdo projekt të vështirë ta ndajnë në copëza të vogla, duke i përgatitur ata për sfidat e jetës dhe karrierës së ardhshme.

Thirrje për Ekspozues në Future2Tech 2024

Suksesi i PC Store dhe SmartKids në panairin Future2Tech dëshmon potencialin e madh që ky panair ofron për ekspozuesit. Future2Tech është një platformë ideale për të prezantuar produkte dhe shërbime inovative, për të krijuar lidhje të reja biznesi dhe për të eksploruar mundësi të reja në tregun teknologjik. Ne ju ftojmë të bëheni pjesë e Future2Tech 2024 dhe të përfitoni nga mundësitë e jashtëzakonshme për të prezantuar markën tuaj përpara një audience të gjerë dhe të interesuar.